Nú er deyðstalið eftir umfatandi vatnflóð í Týsklandi komið upp á 156 fólk. Í Belgia eru 27 fólk deyð.
Ritzau skrivar, at landslutirnir Rheinland-Pfalz og Nordrhein-Westfalen eru harðast raktir – teir liggja har vesturi í Týsklandi.
– Vit stúra fyri, at talið á deyðum fer at vaksa, sigur løgreglan í Reinhland-Pfalz í einari fráboðan.
670 fólk hava fingið størri og smærri snuddir í vatnflóðini.
Vatnflóð hevur eisini rakt Belgia hart, og í Suðurtýsklandi, Hollandi, Luksemborg og Sveis eru eisini fráboðanir um vatnflóð og materiellan skaða.