Seinasta samdøgur hevði Noreg 170 nýggjar koronu-tilburðir. Tað vísir nýggjasta uppgerðin, sum júst er almannakunngjørd.
Hetta eru 14 tilburðir færri enn miðaltalið fyri hvønn dagin í Noregi seinastu sjey dagarnar, sum er 184.
Hósdagin hevði Noreg 222 og mikudagin 211 nýggjar covid-19 smittutilburðir.
Smittukurvan er í løtuni "fløt", sum tað verður rópt, tó at smittan er veksandi í 17 kommunum.
Samanlagt hevur Noreg higartil havt 132.966 covid-19 tilburðir.
Í løtuni eru 27 fólk innløgd á norskum sjúkrahúsum við covid-19, og 796 fólk eru deyð.