Vaktleiðarin á løgreglustøðini visti í morgun at siga, at ein arbeiðsbilur - ella firmabilur - hevði koyrt út í bøin við Marknagilsvegin í Havn í gjárkvøldið.
Hetta var um knapt 22-tíðina.
Tá løgreglan kom á staðið, funnu tey bilin, men ikki bilføraran, sum var farin av staðnum. Tískil settu tey seg í samband við fyritøkuna og eigaran av bilinum.
Men, heldur ikki hetta gav nakað úrslit, tí arbeiðsgevarin segði seg ikki vita, hvør hevði koyrt í bilinum.
- Vit vita tískil ikki í løtuni, hvør hevur koyrt bilin, sum koyrdi út í bøin við Marknagilsvegin í Havn í gjárkvøldið, segði vaktleiðarin í morgun.
