Áron er føddur í Klaksvík í 1994 og er vaksin upp har. Áron býr enn í Klaksvík.
Hann arbeiðir dagliga sum søluráðgevi hjá KJ Hydraulik, á søludeild teirra á Kambsdali.
Áron hevur drúgvar vinnuligar royndir innan sølu og innkeyp. Umframt hetta hevur hann starvast í danska militerinum. Áron er útlærdur sølumaður og málsligur studentur.
- Eg stilli upp til løgtingsvali, tí at eg havi ein veikleika – eg dugi ikki at sita á lætu síðuni og grenja. Eg má gera okkurt við tað, ið eg eri ónøgdur. Tað er týdningarmikið fyri meg at gera tingini, ið eg seti mær fyri – tað plagi eg sum oftast at eydnast við.
Spurdur um hjartamál, svarar Áron:
- Eg brenni fyri, at tað skal vera lætt at liva og virka í Føroyum. Ongin, sum býr í hesum landi, skal kenna seg sum eitt sjonglørbólt, ið bara verður kastaður millum nøkur skrivaraborð. Vit skulu gera tað lættari og skjótari at fáa bráðfeingis hjálp.
- Harafturat brenni eg fyri, at skattgjaldarin skal kunna behalda uppá meir av sínum egnu pengum.
- Eisini ynski eg, at vit vísa suðuroyingum ta virðing, at fáa ferð á prosjektið um Suðuroyartunnilin.
