Kjartan Johansen og liðfelagarnir í Bækkelaget tóku í dag móti Arendal í dysti í bestu norsku hondbóltsdeildini.
Bækkelaget var fyri greiðum 25-34 tapi. Í steðginum var Arendal á odda 17-14.
Talan er um triðja tapið á rað hjá Bækkelaget, ið er fjórðaftast í deildini við sjey stigum fyri 12 dystir.
Kjartan stóð seg væl við at leggja upp til mál hjá liðfeløgunum í dag. Kjartan hevði fimm assist, skoraði eitt mál og vann liðnum eitt brotskast.
Komandi leygardag hevur Bækkelaget ein sera torføran útidyst móti Kolstad, ið er fremst í deildini við 19 stigum.
Viking TIF tapti uttan landsliðsmálverjan, Nicholas Satchwell 29-34 (15-21) fyri Sandnes á útivølli.
Í løtuni verja Christian Morillo Lyngbø og Jarle Aragon Halden málið hjá Viking TIF.
Viking TIF er aftast í deildini við bert trimum stigum.
Leygardagin 9. desember tekur Viking TIF móti Nærbø á heimavølli.
