Súna K. Hansen, Lív S. Poulsen og liðfelagarnir í Ajax vóru fyri beiskum tapi í botnuppgerðini móti Ringkøbing í bestu donsku hondbóltsdeildini í dag.
Heimaliðið, Ajax átti seinasta álopið. Tá klokkan vísti 59:54 fekk Súna møguleikan at javna til 28-28, men ólukkutíð bjargaði málverjin hjá Ringkøbing royndini hjá Súnu, og Ringkøbing vann dystin 28-27.
Súna skoraði tvey og legði upp til trý mál. Í steðginum var Ajax á odda 16-14.
Ajax er næstaftast í deildini við sjey stigum.
Um 14 dagar hevur Ajax heimadyst móti Silkeborg/Voel.
