Tað er ikki loyvt at seta bilar á almennan veg, sum ikki hava nummarplátur.
Tí hevur Tórshavnar kommuna heitt á løgregluna um at finna eigararnar av nøkrum bilum, sum standa á almennum vegi uttan nummarplátur.
– Mannagongdin er tann, at vit seta ein reyðan seðil á bilin, og so fær eigarin 48 tímar at flyta bilin. Ger hann ikki tað, so verður bilurin fluttur fyri eigarans rokning, sigur vakthavandi á politstøðini.
##med2##
Hann sigur, at tað kann sjálvandi hava eina orsøk, at bilar standa á almennum vegi uttan nummarplátur, men teir skulu ikki vera standandi. Tí fáa eigarar eina 48 tíma freist – ella fáa teir eina rokning fyri flutningin.
