Danska veðurstovan DMI roknar við góðveðri um vikuskiftið. Tað verður turt, og sólin fer helst at kaga fram.
DMI sigur, at í dag verða 5-10 m/s av suðri ella landsynningi. Fyrst á degnum skýggjað ella támut veður, annars verður turt og nakað av sól. Hitin verður millum 10 og 15 stig, upp í 18 stig á norðaru oyggjunum. Í nátt minkandi niður í 3-8 m/s av suðri, skýggjað og támut veður, hitin um 10 stig.
Sunnudagin verða undir 5 m/s av ymsum ættum. Sum frálíður nakað av sól, og hitin verður millum 10 og 15 stig. Um náttina kanska eitt sindur av regni. Hitin millum 8 og 12 stig.
