Drekagenturnar vunnu barnaróðurin

Tað var einki óvæntað, tá ið tað ræður um sigurin í kappingini millum gentur í barnaróðrinum.

Drekin vann á jóansøku á Tvøroyri fyri einari viku síðani, og Drekin var eisini fyrstur í ár.

Í dag er kappróður á varmakeldu í Fuglafirði. Líkindini at rógva eru góð. Mjørkin liggur oman í hálvan hagan, og tað er ljóst í veðrinum.

Tað var rættiliga tætt og spennandi í kappingini millum tríggjar teir fremstu bátarnar. Drekin hjá Havnar Róðrarfelag var skutin undan Tistli hjá Froðbiar Sóknar Róðrarfeag, sum var reingina undan Sævarmoy úr Klaksvík.

Tá ið sammett verður við á jóansøku, so vóru tveir teir fremstu teir somu, meðan Sævarmoy á jóansøku var nummar fýra og í dag nummar trý. Sílið, sum á jóansøku var nummar trý, endaði í dag á fimta plássi. Ingibjørg var í dag nummar fýra, meðan báturin hjá Havnar Róðrarfelag síðsta sunnudag var á fimta plássi.

Barnaróður gentur - finala