Í dag varð ein lítil grind funnin á Árnafirði.
Hetta um gott 11-tíðina fyrrapartin og tá sýslumaðurin, Jens Jensen, læt hoyra frá sær, vóru tveir bátar hjá grindini.
Seinni komu so nakrir bátar aftrat, sum tóku lut í rakstrinum.
Sýslumaðurin sigur nú, at grindin hevur lagt beinini í Hvannasundi.
- Drápið gekk sera væl, og tað vardi bert í seks minuttir - frá klokkan 14.30-14.36.
Jens Jensen leggur aftrat, at nú skulu hvalirnir takast upp, og síðan verður farið at merkja.
- Hetta er ikki nøkur stór grind, helst um einar 40 hvalir. Seinni verður meira at frætta, sigur sýslumaðurin.
