Sambært Fiskamarknaði Føroya er bara eitt ísfiskalínuskip til fiskiskap í løtuni. Skipið fiskar í íslendskum sjógvi og kemur heim at landa mánadagin.
Tað kann tykjast eitt sindur løgið, at bara eitt ísfiskalínuskip er til fiskiskap, nú veður og streymur annars eru á einari leið.
- Sjey frystilínuskip fiska í Eysturgrønlandi. Tey fáa mest av toski.
Eitt frystilínuskip fiskar eisini í íslendskum sjógvi, men einki verður sagt um, hvørji fiskasløgini eru.
Streymurin verður góður teir næstu dagarnar, men veðrið verður meira ivasamt.
- Fiskiskapurin hjá útróðrarbátum roynist ikki, og tí verður ikki roknað við nógvum útróðri teir næstu dagarnar, verður lagt aftrat.