Svenska kvinnulandsliðið í hondbólti skal spæla heilar fimm dystir millum 3. og 14. apríl.
Mikukvøldið 3. apríl klokkan 19 skulu tær spæla EM-undankappingardyst móti Føroyum í høllini á Hálsi, har setningurin hjá føroyska liðnum verður at halda málmunin í mun til tríararnar í hinum sjey undanbólkunum. 7. apríl endar Svøríki EM-undankappingina á heimavølli móti Luksemborg. Eftir tað skal Svøríki spæla OL-undankapping móti Japan 11. apríl, Ungarn 12. apríl og Kamerun 14. apríl.
Svøríki er longu víðari til EM-endaspælið í Ungarn, Sveis og Eysturríki, og tí eru dystirnir móti Japan, Ungarn og Kamerun í OL-undankappingini nógv týdningarmiklari fyri Svøríki. Tað gevur vónir um, at Svøríki fer at eksperimentera eitt sindur í dystinum móti Føroyum 3. apríl. Men tað fer tíðin at vísa.
Óannsæð so hevur landsliðsvenjarin, Tomas Axner tikið ein krútsterkan hóp út til hesar fimm dystirnar hjá Svøríki. Allar tær svensku spæla við góðum liðum, so okkara leikarar fáa nógv at síggja til 3. apríl.
HER er hópurin:
Málverjar:
1. Johanna Bundsen, IK Sävehof
12. Irma Schjött, Ikast Håndbold
21. Evelina Eriksson, CSM Bukarest
36. Sofie Börjesson, Vipers Kristiansand
Útileikarar:
32. Jennifer Johansson, Skuru IK
38. Elin Hansson, HH Elite
7. Linn Blohm, Györi Audi ETO KC
35. Sofia Hvenfelt, SG BBM Bietigheim
49. Olivia Löfqvist, Storhamar Håndbal
10. Mathilda Lundström, Silkeborg-Voel KFUM
24. Nathalie Hagman, SCM Ramnicu Valcea
8. Jamina Roberts, Vipers Kristiansand
28. Isabelle Andersson, SG BBM Bietigheim
29. Kristin Thorleifsdóttir, Horsens Håndbold
54. Tyra Axnér, Nykøbing Falster HK
6. Carin Strömberg, Neptunes de Nantes
23. Emma Lindqvist, Ikast Håndbold
42. Jenny Carlson, Brest Bretagne HB
44. Daniela de Jong, SCM Ramnicu Valcea
3. Nina Koppang, IK Sävehof
17. Nina Dano, Odense Håndbold