Tvey ísfiskalínuskip eru til fiskiskap í løtuni. Annað er vestanfyri, og hitt er norðanfyri.
- Skipini fáa mest av toski og hýsu og so nakað av brosmu og longu. Skipini koma møguliga inn at landa síðst í hesi vikuni.
Tað siga tey á Fiskamarknaði Føroya.
Í løtuni eru fimm frystilínuskip í Eysturgrønlandi, og trý fiska undir Føroyum.
- Skipini í Eysturgrønlandi fáa mest av toski, og tey undir Føroyum fáa mest av longu, toski, hýsu og brosmu.
Streymurin harðnar, sum henda vikan gongur, men útlit eru til gott veður.
- Útróðrarbátarnir hava smáligan fiskiskap, so vit vænta ikki nógvan útróður hesa vikuna, verður lagt aftrat.
