Síðsta sunnudag á jóansøku á Tvøroyri var mest spennandi róðurin tann millum 5-mannaførini við dreingjum. Tá vann Heykur úr Hósvík í sera tættari kapping við Fípuna Føgru úr Klaksvík, sum vann tvær tær fyrstu ferðirnar.
Tí var spenningurin stórur undan dagsins kapping í Fuglafirði, har líkindini at rógva kapp framvegis eru av teimum bestu.
Fípan Fagra og Heykur fingu besta startin, og eina løtu hevði eisini Ørnin úr Sandavági hug at bjóða av í kappingini um fremsta plássið.
Men so við og við vóru tað tøkini hjá teimum á Fípuni Føgru úr Klaksvík, sum mundaðu mest, og stútt og støðugt vaks fjarstøðan frá Heyki og fram til Fípuna Føgru, sum fór um málið tað mesta av einari bátslongd undan Heyki.
Ørnin var dygst undan Jallinum hjá Róðrarfelagnum Knørri í kappingini um bronsuplássið.
1 | Fípan Fagra | 05:03.35 | 7 | 0 | 0 |
2 | Heykur | 05:05.27 | 6 | 0 | 0 |
3 | Ørnin | 05:10.40 | 5 | 0 | 0 |
4 | Jallurin | 05:10.43 | 4 | 0 | 0 |
5 | Knúkur | 05:17.40 | 3 | 0 | 0 |
6 | Royndin Fríða | 05:17.46 | 2 | 0 | 0 |
7 | Leikalind | 05:18.41 | 1 | 0 | 0 |
8 | Teistin | 05:20.21 | 0 | 0 | 0 |
9 | Dúgvan | 05:20.49 | 0 | 0 | 0 |
10 | Sílið | 05:25.14 | 0 | 0 | 0 |
11 | Fenja | 05:36.27 | 0 | 0 | 0 |