Tað er av álvara skifti í kappingini millum 5-mannaførini við kvinnum.
Erla Kongsdóttir úr Fuglafirði hevur verið framúr, men nú eru tað ikki tær í Fuglafirði, sum eru FM favorittar.
Firvaldur av Tvøroyri vann á heimasjógvi á jóansøku, og aftur í dag var Firvaldur av Tvøroyri fremstur.
Tað sást væl, at tær á Erlu Kongsdóttir vóru sera uppsettar. Tær løgdu væl fyri í startspurtinum, men tað eydnaðist ikki hjá teimum at sleppa av við Firvald, og so var tað skjótt, at Firvaldur legði upp á síðuna av Erlu Kongsdóttir.
Eina løtu lógu hesir báðir bátarnir borð um borð, men so fór tað at líða betur eftir hjá Firvaldi. Í endaspurtinum royndi Erla Kongsdóttir at svara aftur. Tað eydnaðist at vinna eitt vet aftur av tí, sum var mist, men Firvaldur læt seg ikki taka, og á málinum var hann eina hálva bátslongd undan Erlu Kongsdóttir.
1 | Firvaldur | 05:16.38 | 7 | 0 | 0 |
2 | Erla Kongsdóttir | 05:17.41 | 6 | 0 | 0 |
3 | Blikur | 05:22.19 | 5 | 0 | 0 |
4 | Tambar | 05:26.15 | 4 | 0 | 0 |
5 | Tjaldrið | 05:30.07 | 3 | 0 | 0 |
6 | Báran | 05:34.32 | 2 | 0 | 0 |
7 | Malunarhav | 05:35.03 | 1 | 0 | 0 |
8 | Spógvin | 05:41.22 | 0 | 0 | 0 |
9 | Junkarin | 05:44.38 | 0 | 0 | 0 |
10 | Tarvurin | 05:47.27 | 0 | 1 | 0 |
11 | Falkur | 05:53.09 | 0 | 0 | 0 |