Føroysku kvoturnar av svartkjafti og norðhavssild fyri 2023 eru nú ásettar, og her hava Føroyar kanna sær sín stóra lut í hesum kvotum.
Dennis Holm, landsstýrismaður í fiskivinnumálum, hevur eftir ráðførslu við uttanlandsnevnd løgtingsins í dag tikið avgerð um at áseta føroysku kvoturnar av svartkjafti og norðhavssild fyri 2023.
Í Fiskimálaráðnum siga tey, at hetta er gjørt eftir sama leisti sum undanfarin ár.
Føroyska svartkjaftakvotan fyri 2023 verður 483.042 tons, sum er 38,6 prosent av strandarlandakvotuni á 1.251.403 tons, sum strandarlondini samdust um á árliga fundinum um svartkjaft í London hin 14. oktober í fjør.
Føroyska kvotan av norðhavssild fyri 2023 verður 112.713 tons, sum er 22,05 prosent av mest loyvdu veiðu á 511.171 tons, sum strandarlondini eisini samdust um á árliga fundinum um norðhavssild í London.
##med2##
