Alt er nú avgjørt í borðtenniskappingunum, og meistararnir fyri 2021 eru funnir. Í einmansleiki hjá kvinnum vann Sólja Hilduberg Djurhuus. Nummar tvey bleiv Marin Elisabet Poulsen og Britt Michelsen vann bronsuna. Í einmansleiki hjá monnum bleiv tað Hallur Thorsteinsson, ið bleiv meistari á Føroyaleikunum. Nummar tvey bleiv Pætur Albinus og Peter H. Niclasen vann bronsu.
Í tvímansleiki hjá monnum vunnu Hallur Thorsteinsson og Pætur Albinus gull. Silvur vunnu Eyðun F. Ellendersen og Peter H. Niclasen, meðan Ári F. Jensen og Heri Lava Láadal vunnu bronsu. Í tvímansleiki hjá kvinnum vunnu Marin Elisabet Poulsen og Sólja Hilduberg Djurhuus. Anja Wongwai og Britt Michelsen vunnu silvur.
Tey ungu kappaðust eisini. Borðtennissambandið skipaði fyri U-15 kapping á leikunum. Tað sæst, at nógvir av ungu spælarunum júst hava verið á venjingarlegu í Danmark og hava gjørt framstig síðstu tíðina. Hetta boðar frá góðum til kappingarárið, sum stendur fyri framman.
Einmansleikur – menn
1. Hallur Thorsteinsson
2. Pætur Albinus
3. Peter H. Niclasen
Einmansleikur – kvinnur
1. Sólja Hilduberg Djurhuus
2. Marin Elisabet Poulsen
3. Britt Michelsen
Tvímansleikur – menn
1. Hallur Thorsteinsson / Pætur Albinus
2. Eyðun F. Ellendersen / Peter H. Niclasen
3. Ári F. Jensen / Heri Lava Láadal
Tvímansleikur – kvinnur
1. Marin Elisabet Poulsen / Sólja Hilduberg Djurhuus
2. Anja Wongwai / Britt Michelsen
U15 einmansleikur:
1. Gunnar Vang Niclasen
2. Poul Knút Poulsen
3. Hans Jacob Petersen
U15 tvímansleikur:
1. Mattias Kerá / Jákup Margar Debess
2. Rasmus Teitsson í Skorini / Gunnar Vang Niclasen
3. Hans Jacob Petersen / Poul Knút Poulsen
