H71 styrkir um manshópin

A-landsliðsmálverjin, Pauli Jacobsen, kemur aftur til H71. Eftir at hava spælt í hálvt ár í franska felganum Cherbourg hevur Pauli valt at siga upp sáttmálan, boðar H71 frá.

Støðan í franska felagnum hevur seinastu tíðina verið ónøktandi. Spælarar eru farnir eins og nógv skift í venjaratoyminum. Alt í alt var støðan ikki nøktandi og tí metti Pauli at hann fekk betur umstøður at menna seg í H71 eina tíð. Hann ætlar sær tó av landinum aftur seinni, verður sagt úr Hoyvík.

H71 liggur í løtuni á triðja plássi í landskappingini.