Flytingarvindeygað er latið aftur, men beint fyri tíð skifti Hákun Edmundsson spæliloyvið frá ÍF til B36. Hann hevur ikki spælt higartil í ár, men er nú skrásettur í B36.
Hákun Edmundsson er eitt kent navn í føroyskum fótbólti. Hann er uppvaksin á Toftum og hevur spælt við B68, og hevur eisini roynt seg í NSÍ, Skála, KÍ og ÍF. Hartil hevur hann spælt við Vendsyssel í Danmark. Hann var eitt skifti eisini liðskipari á U21-landsliðnum.
B36 hevur longu tryggjað sær Uros Stojanov frá júst ÍF. Tobias Christensen er farin aftur til Danmarkar, meðan Rói M. Hentze er farin til B68.