Hóskvøldið spældu Hákun West av Teigum og liðfelagarnir í Füchse Berlin móti Rhein Neckar Löwen á útivølli í týsku bundesliguni.
Füchse Berlin vann greiðan 36-28 sigur. Í steðginum var Füchse Berlin á odda 14-11.
Füchse Berlin er fremst í Bundesliguni við 43 stigum. Magdeburg hevur 42 stig á øðrum plássinum, men Magdeburg hevur leikt ein dyst færri.
Leygardagin klokkan 14.40 hittast liðið hjá Eliasi Ellefsen á Skipagøtu, THW Kiel og liðið hjá Jóhan á Plógv Hansen, Flensburg Handewitt í Wunderino høllini í Kiel í slagnum um Norður-Týskland.
Flensburg er nummar trý í bundesliguni við 37 stigum. Kiel hevur 34 stig á fjórða plássinum, men hevur leikt ein dyst færri.
Sunnudagin klokkan 15.30 hevur Füchse Berlin heimadyst í Max Schmelling høllini í Berlin móti botnproppinum, HBW Balingen-Weilstetten.
