Tað vendi øðrvísi í jóansøkuróðrinum millum barnamanningar við dreingjum, enn tað gjørdi fyri stórari viku síðani.
Í fjarðastevnuróðrinum, ið var á Skálafjørðinum, var Dúgvan fremst, Sævarmoy var næstfyrst, Kollur var á triðja plássi og Títlingur var á fjórða plássi.
Í dag var Títlingur hjá Havnar Róðrarfelag fremstur. Hann var meiri enn eitt sekund undan Kolli, sum vann tætta kapping um næstfremsta plássið við Sævarmoy, Dúgvuna og Tjaldrið.
Títlingur var bestur í startinum, og Kollur fylgdi væl við. Hjá Sævarmoy og Dúgvuni riggaði tað ikki so væl í startinum, men hesir báðir bátarnir fótaðu sær. Kortini megnaðu teir einki at gera við Títling og Koll.
1 | Títlingur | 02:35.18 | 7 | 0 | 0 |
2 | Kollur | 02:36.23 | 6 | 0 | 0 |
3 | Sævarmoy | 02:36.40 | 5 | 0 | 0 |
4 | Dúgvan | 02:37.05 | 4 | 0 | 0 |
5 | Tjaldrið | 02:37.28 | 3 | 0 | 0 |
6 | Tistil | 02:42.25 | 2 | 0 | 0 |
7 | Leikalind | 02:45.22 | 1 | 0 | 0 |
8 | Ternan | 02:46.48 | 0 | 0 | 0 |
9 | Blíkur | 02:47.40 | 0 | 1 | 0 |
10 | Knúkur | 02:47.45 | 0 | 0 | 0 |