Heilsumálaráðharrin í Bretlandi, Sajid Javid, er koronu-smittaður. Tað skrivar hann sjálvur á Tvitter í dag.
- Í morgun eri eg staðfestur positivur fyri covid, skrivar heilsumálaráðharrin.
Hin 51 ára gamli skrivar, at hann bíðar eftir PCR-úrslitinum.
- Eg eri takksamur fyri, at eg havi fingið báðar koppsetingarnar, og at sjúkueyðkennini eru mild.
Heilsumálaráðharrin, Sajid Javid, brúkar eisini høvi á sínari Tvitter-síðu at eggja bretum til at lata seg koppseta.
##med2##