Í fjør vóru tað dreingirnir úr Hósvík umborð á Heyki, sum vunnu FM. Tvær tær fyrstu ferðirnar í ár – á fjarðastevnu og sundalagsstevnu – vann Fípan Fagra úr Klaksvík.
Í dag svaraði Heykur aftur. Talan var um framúr kapping – ivaleyst tann mest spennandi higartil av øllum higartil í ár.
Heykur var skjótur í startinum, men Fípan Fagra svaraði skjótt aftur, og stóran part av teininum var Fípan Fagra tann fremri av hesum báðum, sum kappaðust um sigurin.
Eina løtu sá tað út til, at Fípan Fagra hevði hug at draga frá, og munurin var størri enn skuturin. Men so svaraði Heykur aftur, og fram ímóti málinum fóru hesir báðir bátarnir og í føgrum róðrarlíkindum skúmandi stavn um stavn.
Tá ið bátarnir fóru um málið, vístu upptøkurnar, at Heykur var stavnin og kanska bara hálvan stavnin undan Fípuni Føgru.
Heykur | 05:02.17 | 7 | 0 | 0 | |
2 | Fípan Fagra | 05:02.18 | 6 | 0 | 0 |
3 | Jallurin | 05:11.08 | 5 | 0 | 0 |
4 | Ørnin | 05:11.45 | 4 | 1 | 0 |
5 | Royndin Fríða | 05:16.37 | 3 | 0 | 0 |
6 | Teistin | 05:17.18 | 2 | 0 | 0 |
7 | Knúkur | 05:18.05 | 1 | 0 | 0 |
8 | Firildur | 05:18.42 | 0 | 0 | 0 |
9 | Leikalind | 05:22.32 | 0 | 0 | 0 |
10 | Fiskurin | 05:23.28 | 0 | 1 | 0 |
11 | Dúgvan | 05:25.07 | 0 | 0 | 0 |
12 | Fenja | 05:33.08 | 0 | 0 | 0 |