Í 1930 var fyrsta HM-endaspælið í Uruguay. HM-finalan millum Uruguay og Argentina var spæld á Estadio Centenario leikvøllinum í Montevideo, ið sæst á mynd frá 1930 omanfyri.
Nú ætlar Uruguay saman við Argentina, Chile og Paraguay at HM-endaspælið í 2030 skal vera í sama landi og tess grannalondum júst 100 ár aftaná fyrsta HM-endaspælið.
Fótbóltssambondini í Uruguay, Argentina, Chile og Paraguay siga í einari felags fráboðan, at tey vóna, at FIFA fer at æra søguna í 1930 við at leggja HM-endaspælið í hesum fýra suðuramerikonsku londunum.
Portugal og Spania hava eisini bjóðað upp á HM-endaspælið í 2030. Triðja boðið er eitt felags boð hjá Saudiarabia, Egyptalandi og Grikkalandi.
