Jarnbardur er tann báturin, sum í kappingunum millum gentur og kvinnur hevur vunnið nógv mest.
Í dag vann Jarnbardur mest sannførandi sigurin higartil í ár. Jarnbardur sprakk avstað, og so var spurningurin bara, hvussu sannførandi sigurin fór at verða.
Sølmundur misti beinanvegin Jarnbard úr eygsjón, og fram ímóti málinum endaði Sølmundur í spennandi kapping um næstfremsta plássið.
Ta kappingina vann Sølmundur akkurát ímóti Víkingi hjá Havnar Róðrarfelag.
Men Jarnbardi stóð eingin kurl í dag, og tað er óhugsandi, at nakar fer at megna at bjóða Jarnbardi av í trimum teimum seinastu kappingunum. Jarnbardur var meiri enn fýra bátslongdir undan tveimum teimum næstu, tá ið blái báturin fór um málið.
1 | Jarnbardur | 05:09.43 | 7 | 0 | 0 |
2 | Sølmundur (NSÍ) | 05:20.28 | 6 | 0 | 0 |
3 | Víkingur | 05:20.41 | 5 | 0 | 0 |
4 | Páll Fangi | 05:39.11 | 4 | 0 | 0 |
5 | Tindur | 06:00.11 | 3 | 0 | 0 |