Tað hevur leingi verið greitt, at Sverri Sandberg Nielsen verður ein av rógvarunum, sum í OL í Japan skulu kappast fyri at vinna gull og heiðursmerki til Danmark.
Í dag er tað vorðið greitt, at ein føroyingur aftrat fer at luttaka í OL.
Talan er um Johan á Plógv Hansen, sum í dag fekk boð um, at hann er ein av teimum 14, sum danski landsliðsvenjarin í hondbólti, Nikolaj Jacobsen, hevur kosið at umboða Danmark í hondbólti.
Tað hava verið 19 spælarar, sum hava kappast um tey 14 plássini, og í dag kunngjørdi venjarin, hvørjir tríggir av hesum 19 nú skulu fara til hús, hvørjir 14 skulu spæla í Japan, og hvørjir teir báðir eru, ið skulu við til Japan sum eykamenn.
27 ára gamli Johan á Plógv Hansen er annar av vongspælarunum í høgru. Hin er veteranurin Lasse Svan. Á vonginum í vinstru er bara ein spælari. Tað er Magnus Landin.
- Niklas Landin, Kiel
- Kevin Møller, FC Barcelona
- Magnus Landin, Kiel
- Magnus Saugstrup, Aalborg
- Lasse Svan, Flensburg-Handewitt
- Henrik Møllgaard, Aalborg
- Mads Mensah Larsen, Flensburg-Handewitt
- Henrik Toft Hansen, Paris Saint-Germain
- Mikkel Hansen, Paris Saint-Germain
- Morten Olsen, GOG
- Johan Hansen, Hannover-Burgdorf
- Lasse Andersson, Füchse Berlin
- Jacob Holm, Füchse Berlin
- Mathias Gidsel, GOG
Eykamenn
- Emil Jakobsen, GOG, 15. maður
- Simon Hald, Flensburg-Handewitt, 16. maður
Skráin hjá Danmark
24. juli Danmark – Japan
26. juli Egyptaland – Danmark
28. juli Danmark – Bahrain
30. juli Portugal – Danmark
1. august Danmark – Svøríki
3. august Fjórðingsfinalur
5. august Hálvfinalur
7. august OL finala
Í 2016 vann Danmark OL finaluna 28 – 26 ímóti Fraklandi í Rio. Hetta var fyrsta ferðin yvirhøvur, at Danmark vann gull í OL hondbólti fyri menn. Nú er setningurin hjá Johan á Plógv Hansen og liðfeløgum hansara at kappast fyri at endurvinna gullkrónurnar.
