Tað er ov nógvur vindur at rógva kapp á Trongisvági í dag.
Lokalu fyrireikararnir hava syrgt fyri, at alt er klárt at rógva, men tað ber ikki til, tí tað er ov nógvur vindur at rógva kapp á Trongisvági.
Kappróðurin er útsettur til í morgin, boða fyrireikararnir nú frá umvegis Kringvarp Føroya.
Tað verður roknað við, at vindurin fer at minka nógv til í morgin, og at tað tá fer at bera til at rógva kapp.
Ætlanin er nú, at kappróðurin verður somu tíðir í morgin, sum tað var ætlanin, at róðurin skuldi vera ídag.