Føroyingaliðini í næstbestu donsku fótbóltsdeildini spældu seinnapartin í dag fyrstu dystirnar hetta kappingarárið.
Mattias H. Lamhauge vardi málið hjá FC Fredericia sum vann ein góðan 3-1 sigur á útivølli á Sebastian Pingel og liðfeløgunum í AC Horsens.
AC Horsens var á odda 1-0 í steðginum, men í seinna hálvleiki kom Fredericia sterkt aftur og skoraði trý mál.
Fredericia Dagblad letur illa at avrikinum í fyrra hálvleiki, men stórfegnast um avrikið og hugburðin Fredricia vísti í seinna hálvleiki.
Sambært hagtølunum hevði Mattias fimm bjargingar.
AC Horsens-FC Fredericia 1-3 (1-0)
1-0 Marinus Larsen (32.),
1-1 Asbjørn Bøndergaard (48.),
1-2 Jonatan Lindekilde (53.),
1-3 Gustav Marcussen (82.)
HER ber til at síggja hæddarpunktini frá dystinum.
Adrian R. Justinussen spældi allan dystin, og Daniel Johansen slapp ikki upp í part, tá Hillerød á heimavølli spældi javnleik 2-2 móti Hobro.
Stutt undan steðginum javnaði Adrian til 1-1 við einum dreymafrísparki. Seint í seinna hálvleiki hendi tað margháttliga, at Gregers Arndal-Lauritzen hjá Hillerød fyrst gjørdi sjálvmál, men gjørdi síðani skaðan góðan aftur í yvirtíðini við at javna til 2-2.
Hillerød-Hobro 2-2 (1-1)
0-1 Frederik Christensen (14.)
1-1 Adrian R. Justinussen (43.)
1-2 Sjálvmál (82.)
2-2 Gregers Arndal-Lauritzen (92.)
Enn er frísparksmálið hjá Adriani ikki tøkt, men tað fyrsta tað er tøkt fáa vit tað út á in.fo.
