Petra vaks upp á Viðareiði og fór eftir barnaskúlan til Havnar í realskúla. Hon er dóttir Daisy, f. Mellemgaard, úr Klaksvík, og Ásbjørn Viderø úr Havn. Petra var gift við Jóannes Johannesen úr Havn. Tey eiga børnini Heina og Bjørg.
Petra byrjaði sum lærlingur á Advokatskrivstovuni 15. januar 1977 og var framvegis í starvi, nú hon andaðist. Hon starvaðist sostatt á skrivstovuni í heili 47 ár. Í 1977 húsaðist Advokatskrivstovan í Niels Winthersgøtu. Seinni flutti skrivstovan út í Jóannesar Paturssonargøtu, og í dag er hon á Frúutrøð.
Í heyst bleiv Petra sjúk. Men hóast sjúku ynskti hon framvegis at arbeiða á skrivstovuni, so leingi hon orkaði. Tað eru bert nakrar fáar vikur síðan, at hon hevði sín seinasta arbeiðsdag á skrivstovuni.
Petra gjørdi eitt gott og dygdargott arbeiði. Hon var serstakliga væl dámd. Øll høvdu álit á henni, starvsfelagar og ikki minst viðskiftafólk, sum hon ofta prátaði við. Hon var serstakliga arbeiðssom og hevði eitt lætt lyndi. Altíð positiv og skemtingarsom. Setti ein positivan og hugnaligan dám á gerandisdagin. Var altíð til reiðar við eini hjálpandi hond, um onkur advokatur ella skrivari hevði tørv á tí.
Petra dugdi væl at taka til. Var familjukær og ættarkær. Hon hevði ongantíð nakað ynski um at vera í miðdeplinum. Men hendi tað, at hon kom í fokus, tók hon tað við einum smíli.
Petra verður nógv saknað her á Advokatskrivstovuni, tað er púra vist. Advokatskrivstovan hevur mist ein góðan og trúgvan starvsfelaga. Hon verður torfør at erstatta.
Má Harrin styrkja og troysta tykkum, sum eftir sita.
Starvsfelagar
Mánadagin 6. mai fingu vit sorgarboðini, at Petra var farin
Petra vaks upp á Viðareiði og fór eftir barnaskúlan til Havnar í realskúla. Hon er dóttir Daisy, f. Mellemgaard, úr Klaksvík, og Ásbjørn Viderø úr Havn. Petra var gift við Jóannes Johannesen úr Havn. Tey eiga børnini Heina og Bjørg.
Petra byrjaði sum lærlingur á Advokatskrivstovuni 15. januar 1977 og var framvegis í starvi, nú hon andaðist. Hon starvaðist sostatt á skrivstovuni í heili 47 ár. Í 1977 húsaðist Advokatskrivstovan í Niels Winthersgøtu. Seinni flutti skrivstovan út í Jóannesar Paturssonargøtu, og í dag er hon á Frúutrøð.
Í heyst bleiv Petra sjúk. Men hóast sjúku ynskti hon framvegis at arbeiða á skrivstovuni, so leingi hon orkaði. Tað eru bert nakrar fáar vikur síðan, at hon hevði sín seinasta arbeiðsdag á skrivstovuni.
Petra gjørdi eitt gott og dygdargott arbeiði. Hon var serstakliga væl dámd. Øll høvdu álit á henni, starvsfelagar og ikki minst viðskiftafólk, sum hon ofta prátaði við. Hon var serstakliga arbeiðssom og hevði eitt lætt lyndi. Altíð positiv og skemtingarsom. Setti ein positivan og hugnaligan dám á gerandisdagin. Var altíð til reiðar við eini hjálpandi hond, um onkur advokatur ella skrivari hevði tørv á tí.
Petra dugdi væl at taka til. Var familjukær og ættarkær. Hon hevði ongantíð nakað ynski um at vera í miðdeplinum. Men hendi tað, at hon kom í fokus, tók hon tað við einum smíli.
Petra verður nógv saknað her á Advokatskrivstovuni, tað er púra vist. Advokatskrivstovan hevur mist ein góðan og trúgvan starvsfelaga. Hon verður torfør at erstatta.
Má Harrin styrkja og troysta tykkum, sum eftir sita.
Starvsfelagar
