Norskir miðlar vita í dag at siga, at tað vóru tvær systrar úr Oslo, sum lótu lív seinnapartin í gjár, tá toran sló niður.
Benedicte Myrset var 18 ára gomul, og Victoria Myrset var einans 12 ára gomul.
Hendingin fór fram á fjallinum, Melshornet, sum liggur í Hareid kommunu í Møre og Romsdal.
Sambært norsku løgregluni, sum hevur sent út tíðindaskriv, eru nøvnini á systrunum leysgivin í samráð við familjuna.
Sum skilst á løgregluni, fekk ein triðja systir, sum var við á ferðini, eisini skaða, og hon er innløgd á Haukeland Universitetssjúkrahúsinum.
Á einum tíðindafundi hevur borgarstjórin í Hareid kommunu, Bernt Brandal, sagt, at genturnar, sum búðu í Oslo, høvdu tilknýti til Møre og Romsdal og vóru her og hildu frí.
Tað beint eftir klokkan 17 í gjár, tá tað knappliga gjørdist illveður og ógvusligur torusláttur, at gentunar, sum vóru á Melshornet-fjallinum, vórðu raktar, tá toran sló niður.
Sum skilst á norskum miðlum í morgun er støðan hjá tí triðju systrini hampilig.
