- Vit eru báðir á veg í sjúkrabili til viðgerð. Vit vórðu raktir beinleiðis í dag. Hasir djevlarnir...
Soleiðis skrivar Simon Johnsen til Verdens Gang í dag.
Teir vóru báðir staddir í ukrainska býnum, Bakhmut, fyri at hjálpa løstaðum úr økinum eftir russiskt bumbuálop, tá enn ein spreinging var beint har, teir vóru staddir.
- Sander Sørsveen er brunaskaddur um eini 30-40 prosent av kroppinum, og hann hevur fingið fleiri splintur í seg. Hann er á veg til Dnipro til skurðviðgerð.
Mamma Sander Sørsveen sigur við Verdens Gang í kvøld, at sonurin hevur gott mót, tí hann hevur ikki fingið aðrar innvortis løstir.
Norska uttanríkisráðið sigur í einum telduposti við norska Dagbladet í kvøld, at tey vita um tilburðin, sum hevur rakt norsku ríkisborgararnar í Ukraina.
Simon Johnsen fortaldi annars í norska dagblaðnum í mai um sínar upplivingar í krígsherjaða landinum.
Hann vísti á, at lívið er í vanda, tá bumbað verður, og tá tú ert í økjum, har vandin fyri álopum er stórur. - Men, hetta er tað vert, legði hann aftrat.