Herfyri var ein ung kvinna saknað í Qaqortoq, og fyrr í hesi vikuni varð hon funnin deyð nakað uttan fyri býin.
Seinasta sunnudag varð ein ungur drongur raktur av skoti, og ein annar ungur drongur er nú skuldsettur fyri óviljað manndráp í málinum.
Í gjár, týsdagin, var 16 ára gamli drongurin sum skeyt, í landsrættinum, har hann er vorðin skuldsettur fyri óviljað manndráp.
Grønlendska løgreglan upplýsir yvirfyri Sermitsiaq, at hin 16 ára gamli er skuldsettur fyri um morgunin hin 4. juli - í ósketni - at hava latið eitt skot av við riflu móti einum 14 ára gomlum dreingi.
Hin 14 ára gamli varð raktur í vinstru síðu og doyði stutt eftir av løstinum. Økisrætturin avgjørdi hin 5. juli, at skuldsetti skuldi leyslatast, tí rætturin metti ikki, at grundarlag var fyri varðhaldsfongsling.
Men, í gjár gjørdi so landsrætturin av, at hin 16 ára gamli fyribils skal afturhaldast fram til hin 3. august.