Í løtuni eru fimm partrolarapør til fiskiskap, og flestu skipini koma inn at landa í næstu viku.
- Allir partrolararnir fiska upsa, men fáa eisini nakað av hvítum fiski, serliga longu. Fiskiskapurin er smáligur.
Á Fiskamarknaði Føroya vita tey at siga, at tvey partrolarapør liggja við bryggju, men tey loysa væntandi aftur í næstum.
- Ein djúpvatnstrolari er á svartkalvaveiði og kemur inn at landa fyrst í næstu viku, og ein fystitrolari fiskar svartkalva í Grønlandi.
Av teimum smáu trolbátunum er ein á Skeivabanka, men hinir allir liggja. Væntandi loysir onkur trolbátur um vikuskiftið, nú veðurforsagnirnar eru so mikið góðar.
##med2##
Tvey garnaskip fiska svartkalva, og eitt fiskar svartkalva. Øll skipini hava brúkiligan fiskiskap.
- Væntandi koma øll garnaskipini inn at landa í næstu viku, vita tey á Fiskamarknaði Føroya at siga í dag.