Í løtuni eru tvey ísfiskalínuskip undir Føroyum. Tey fáa mest av longu, brosmu og toski.
- Annað skipið kemur inn at landa mánadagin, og hitt kemur væntandi síðst í næstu viku, vita tey á Fiskamarknaði Føroya at siga í dag.
Fimm frystilínuskip eru til fiskiskap undir Føroyum, og eitt frystilínuskip er á veg heim av Flemish Kap.
Føroyska toskakvotan á Flemish Kap er so lítil í ár, at har er ikki kvota til meira enn tað eina skipið. Vónir eru tó um, at kvotan verður størri næsta ár.
- Streymurin harðnar, sum næsta vika gongur, men veðrið verður gott. So, helst verður nakað av útróðri í vikuni sum kemur, verður lagt aftrat.