Vilhelm Poulsen og liðfelagarnir í Lemvig-Thyborøn tóku í kvøld móti Holstebro í bestu donsku hondbóltsdeildini.
Lemvig-Thyborøn vann greiðan 28-21 sigur. Í steðginum var Lemvig-Thyborøn á odda 13-10.
Tað gekk væl hjá Vilhelmi Poulsen, ið gjørdist við seks málum besti málskjúttin hjá Lemvig-Thyborøn saman við Jeppe Gade. Vilhelm legði eisini upp til tvey mál.
Lemvig-Thyborøn er nummar sjey í deildini við fimm stigum fyri fimm dystir.
Komandi mikukvøld spælir Lemvig-Thyborøn á útivølli móti Skjern.
