Leita á in.fo

Árni Gregersen, ting.fo 24.12.2017 (14:18)

Nýggj roykreinsiskipan setast í

Ferðamannaskipið Norrøna fór seinasta túrin úr Føroyum undan jólum í seinastu viku og er nú í Munkebo.

 

Norrøna siglir aftur til Føroyar 6.januar 2018.

 

Størsta ferðamannaskipið er í dokk, tí at ein nýggj roykreinsiskipan skal setast í. Norrøna hevur havt eina reinsiskipan, men hóast roynt hevur verið við tillagingum, so fekst hon ikki at rigga.

 

-Nú hava vit so avgjørt at seta eina nýggja skipan í, so skipið lýkur øll altjóða umhvørviskrøv við roykútlátinum, sigur Rúni Vang Poulsen, stjóri í Smyril Line.

 

Hann sigur, at meðan skipið er í dokk verður eisini vanligt viðlíkahaldsarbeiði gjørt, so Norrøna er klár til siglingina aftur í januar við fyrststa túri úr Danmark 6.januar.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her