Leita á in.fo

Árni Gregersen, ting.fo 29.03.2017 (07:36)

Stór mótstøða móti nýskipanaruppskotinum

Ógvuliga fá taka undir við at fara frá fiskidagaskipanini til eina kvotaskipan á heimaleiðunum.

 

Hetta kom greitt fram á fiskivinnufundinum á Toftum, men eisini í hoyringssvarunum, sum Fiskimálaráðið hevur fingið, er tað gjøgnumgangandi, at mælt verður frá at fara til eina kvotaskipan.

 

Hoyringssvarini eru eisinui í móti tí anti trust lóg, sum lagt verður upp til eins og hoyringszsvarini í stóran mun heldur ikki taka undir við, at fiskirættindini verða loyst frá skipunum og latin persónum ella feløgum.

 

Sambandsfelagið í Eysturoynni, Saamhald, skipaði fyri fiskivinnufundi á Toftum, har teir tríggir, Høgni Hoydal, landsstýrismaður við fiskivinnumálum, Bárður S. Nielsen, formaður Sambandsfloksins og Jørgen Niclasen, formaður Fólakfloksins, sótu við pallborðið.

 

-Ja, nógv av hoyringssvarunum ganga ímóti uppskotinum. Um tey fáa ávirkan? Ja, um tey ikki forða fyri at vit náa tí máli, vit hava sett okkum, segði Høgni Hoydal, landsstýrismaður


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her