fyrst og fremst

alt text

Veðrið í dag:

Hiti 10°C

Vindur 4.3m/s

Leita á in.fo

Árni Gregersen, ting.fo 10.06.2017 (07:29)

Tríggjar klagur um Høgna í landsstýrismálaneevndini

Tríggjar klagur um landsstýrismannin við fiskivinnumálum, Høgna Hoydal, Tjóðveldi, eru á skránni, tá ið landsstýrismálanevndin hevur fund fríggjadagin.

 

Harumframt skal nevndin viðgera tvær kærur afturat - onnu m+oti løgmanni, Aksel V. Johannesen, Javnaðarflokkurin, og hin móti landsstýrismanninum við samferðslumálum, Henrik Old, Javnaðarflokkurin.

 

Í seinastuni hevur verið funnist at skipanini við landsstýrismaálanevndini. Fleiri seta spurningar við virðið av nevndini, tí hon er mannað soleiðis, at andstøðan hevur tveir sessir í nevndini og samgongan ein. Í nústiandi nevnd er Jógvan Skorheim, Sjálvstýri, formaður og Magnus Rasmussen, Sambandsflokkurin, næstformaður.

Annita á Fríðriksmørk er umboð fyri samgonguna í nevndini.

 

Atfinningarnar vísa á, at tað í veruleikanum er Løgtingið sum avger um avgerðir hjá nevndini fáa nakra ávirkan.

 

Avgerð samgongan ikki at taka undir við tí, sum meirlutin í nevndini mælir til, so fær tað ongan virknað, so leingi samgongan megnar at telja uppí 17 tinglimir, sum ikki taka undir við tilmælum frá nevndini