Leita á in.fo

Árni Gregersen, ting.fo 23.01.2017 (08:14)

Tvey tingfólk á fund í Oslo

Norðurlandaráðið hevur vanliga fund hesa tíðina, og í ár er fundurin í Oslo.

 

Hetta er ein vanligur fundur, men hann hevði ligið samstundis sum evnisráðstevnan hjá Útnorðurráðnum. Tann ráðstevnan skuldi byrja í Havn í morgin, men er útsett orsaka av politisku støðuni í Íslandi.

 

Hildið verður, at evnisráðstevnan verður í februar.

 

Til Norðurlandaráðsfundin í Oslo fara tey bæði føroysku umboðini - Jenis av Rana, Miðflokkurin, og Ruth Vang, Framsókn.


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her