Leita á in.fo

Árni Gregersen, ting.fo 09.08.2017 (23:32)

Uttanríkisráðharrarnir á fund í Útnorðurráðnum

Íslendska Altingið, har forkvinnan er Unnur Brá Konraðsdóttir,  fer at hýsa Útnorðurráðnum, tá ið ársfundurin verður 31.august og 1.september.

 

Hetta er fyrstu ferð, at ráðið fer at halda fund í einum tjóðartingssali, men næsta ár verður tað í Løgtinginum og í 2019 í Landstingsalinum í Nuuk.

 

Arktis hevur fylt nógv seianstu árini í orðaskiftinum, men í ár verður hetta raðfest uppaftur hægri. Talan er um ein toppfund millum uttanríkisráðharrarnar úr Grønlandi, Íslandi og Føroyum. Ráðið roynir at fáa ein konstruktivan dialog við stjórnirnar í útnorði.

 

Hetta millum annað tí, at Útnorðurráðið hevur fingið eygleiðarastatus í Arktiska ráðnum.

 

Bryndis Haraldsdóttir úr Ìslandi er forseti í ráðnum, Kári P. Højgaard úr Føroyum , og Lars Emils Johannesen úr Grønlandi eru ávikavist 1. og 2. varaforseti

 

 

 


Veitst tú eina góða søgu? Skriva til okkara á red(at)in.fo
Les ella lýs í Lýsingartorginum – trýst her