Kvinnuliðið hjá H71 er í hesum døgum á Sikiloy, ella Sisilia fyri at spæla tveir Europa Cup dystir móti Erice.
Fyrri dysturin, ið var liðugur fyri einari løtu síðani endaði við greiðum 27-17 sigri til Erice. Í steðginum var Erice á odda 12-7.
Í fyrra hálvleiki fylgdust liðini til støðuna 6-6, men eftir tað dróg italska liðið frá H71.
Erice-H71 27-17 (12-7) - Fyrri dystur í 1. umfarinum í Europa Cup
H71: Lukka Arge 4, Inga Maria Joensen 3, Christina Arge 2, Sára Jacobsen 2, Elsa Egholm 2, Lea Sesilia Lava Brockie 2, Karin Egholm 1, Bjørk Brimnes 1.
(Eingi hagtøl eru tøk fyri málverjarnar hjá H71).
Sunnudagin klokkan 17 spæla liðini seinna dystin, ið tekniskt er heimadysturin hjá H71.
