Útlendskir miðlar, sum fylgja gongdini í Grindavík í Íslandi, vita í dag at siga, at grótbræðingin, sum spøkir í undirgrundini um hesar leiðir, nærkast yvirfatuni, og soleiðis er framvegis stórur møguleiki fyri, at her fer at goysa.
Eitt gos kann koma nær tað skal vera, og fleiri staðni á Grindavíkarleiðini søkkur bakkin. Benedikt Ófeigsson, sum starvast á meterologiska stovninum í Íslandi, sigur, at grótbræðingin kanska liggur einar 500 metrar undir yvirflatuni.
Í Íslandi hava tey hildið ondini seinastu dagarnar, nú vandin fyri eldgosi er so stórur. Roykur stingur upp úr rivum í bakkanum, og svávulroykurin verður sterkari og sterkari.
- Vit kunnu longu nú siga, at hetta helst verður størsta náttúruvanlukka í Íslandi seinastu hálvu øldina, hóast útbrotið enn ikki er komið, sigur íslendski jarðalisfrøðingurin, Freysteinn Sigmundsson við íslendska kringvarpið, RUV.
##med2##
