Gylfi Sigurðsson spilti spælið hjá Víkingi Reykjavík

Í kvøld var toppuppgerð í bestu íslendsku fótbóltsdeildini, tá Valur tók móti Gunnari Vatnhamar og liðfeløgunum í Víkingi Reykjavík á N1 vøllinum á Hliðarenda í Reykjavík.

1.834 áskoðarar vóru vitni til eina spennandi toppuppgerð, ið endaði við javnleiki 2-2.

Tvær ferðir var Víkingur á odda, men báðu ferðirnar javnaði gamli stórleikarin, Gylfi Þór Sigurðsson fyri Val. Seinna málið skoraði Gylfi upp á brotsspark væl inni í tíðini dómarin hevði lagt aftrat.

Valdimar Þór Ingimundarson legði Víking á odda tvær ferðir. Fyrru ferð tá 35 minuttir vóru leiktir, og seinnu ferð í 58. minutti. Gylfi javnaði til 1-1 við einum brotssparki tá 54 minuttir vóru leiktir.

Valur-Víkingur Reykjavík 2-2 (0-1)

0-1 Valdimar Þór Ingimundarson ('35 )

1-1 Gylfi Þór Sigurðsson ('54 , br.)

1-2 Valdimar Þór Ingimundarson ('58 )

2-2 Gylfi Þór Sigurðsson ('94 , br.)

Gunnar leikti allan dystin fyri Víking, og tá eitt korter var farið av dystinum hevði Gunnar ein góðan stútara, ið var bjargaður á málstrikuni.

Í annaðkvøld klokkan 20.15 taka Patrik Johannesen og liðfelagarnir í Breiðablik móti KA á heimavølli. Vinnur Breiðablik dystin vera Patrik og liðfelagarnir bert eitt stig frá oddasessinum. 

Støðan: