Heimins størsta krígsskip, amerikanski flogberin USS "Gerald R. Ford", er í dag komin til Oslo.
Tað vísa myndir.
Flogberin hevur síðani mánadagin siglt gjøgnum danska partin av Norðsjónum við kós ímóti norska høvuðsstaðnum.
Har skal krígsskipið liggja við bryggju í fýra dagar. Tað var ikki fyrr enn mánadagin, at tað varð almannakunngjørt, at amerikanski flogberin skuldi til Oslo.
Í fleiri býum og kommunum kring Oslofjørðin stóðu fleiri hundrað áskoðarar at hyggja, meðan stóra krígsskipið sigldi ímóti Oslo, skrivar norska tíðindastovan, NTB.
Skipið, sum varð doypt í 2013, er á síni fyrstu rættiligu ferð. Tað er fyrsti flogberi í einum nýggjum flokkin, nenvdur Ford-flokkurin.
At ferðin er til Oslo, verður tulkað sum tekin um, at USA ynskir at vísa, at tey vilja vísa, at tey eru til staðar og at ræða í norðurlendsku økjunum eftir russisku innrásina í Ukraina.
Aftenposten skrivaði í gjár, at tað í dag verður sett fyribils flogbann yvir innara parti av Oslofjørðinum. Tað snýr seg bæði um flogfør og dronur.
Umborð eru sambært NTB manning upp á 4.500 fólk. Pláss er fyri 90 flogførum og tyrlum, og skipið verður rikið við tveimum kjarnorkureaktorum.
Farið varð undir at byggja skipið í 2009. Tað var ein drúgv tíð við kanningum og at gera skipið til reðar, og nú er skipið komið í vanligan rakstur.
/ritzau/
##med2##
##med3##
##med4##
##med5##
##med6##
##med7##