Stórar avbjóðingar og upplivingar bíða Dánjali Ragnarssyni og Janusi Dam Djurhuus.
Janus, Dánjal og liðfelagarnir í ÍBV vunnu í kvøld triðu hálvfinaluna móti FH í endaspælinum í bestu íslendsku hondbóltsdeildini, og skulu tí spæla finalur um íslendska meistaraheitið.
ÍBV vann í kvøld á útivølli 31-29 á FH í triðu hálvfinaluni aftaná longda leiktíð. Aftaná vanliga leiktíð stóð á jøvnum 27-27. Janus skoraði tvey mál fyri ÍBV.
Sostatt vann ÍBV hálvfinaluuppgerðirnar við 3-0.
Í finalunum verður mótstøðuliðið hjá ÍBV antin Haukar ella Afturelding. Har stendur á jøvnum 1-1 í hálvfinaluuppgerðunum.