Landsliðsmálverjin, Mattias H. Lamhauge og liðfelagarnir høvdu eina spennandi uppgávu á heimavølli á Monjasa leikvøllinum í Fredericia í dag.
Á vitjan var gamla stórliðið úr Aalborg, AaB sum við sigri kundi tryggjað sær uppflytingina til superliguna.
Men Fredericia fekk útsett uppflytingarveitsluna hjá AaB. Fredericia vann dystin 2-1.
FC Fredericia-AaB 2-1 (2-0)
1-0 Mikkel Wohlgemuth (13.),
2-0 Frederik Carstensen (45.),
2-1 Oliver Ross (49.),
Sambært hagtølunum hevði Mattias átta bjargingar í dystinum, og hann gjørdi tí sítt fyri at tryggja Fredricia sigurin frammanfyri 1.189 áskoðarum.
Sønderjyske og AaB hava 56 stig hvør í oddinum. Fredericia hevur 44 stig á triðja plássinum. Fredericia er fimm stig frammanfyri Kolding á fjórða plássinum.
Tað eru bert fimm umfør eftir, so tað er bara ein spurningur um tíð áðrenn Sønderjyske og AaB staðfesta uppflytingina til superliguna.
Komandi hóskvøld spælir Fredericia á útivølli móti Sønderjyske.