Manchester City lyfti í gjár Premier League steypið fyri fimtu ferð upp á seks ár. Við einum 1-0 sigri á Chelsea setti Manchester City eisini eina tjúkka striku undir, at felagið er í eini deild fyri seg við at vinna dagin eftir eina meistaraveitslu, tí meistaraheitið kom í hús kvøldið fyri, tá Arsenal tapti móti Nottingham Forest.
Í stríðnum um at røkka Champions League tykist nú fyri vist, at tað verður Liverpool, sum stendur eftir við Europa League. Eftir seks sigrar upp í slag endaði tað við javnleiki móti Aston Villa, meðan Manchester United vann á AFC Bournemouth. Newcastle skal bara hava eitt stig í kvøld.
Brighton hevur tryggjað sær Evropa-luttøku fyri fyrstu ferð í søguni hjá felagnum. Tottenham hevur brúk fyri hjálp, um felagið skal í Evropa komandi kappingarár. Eftir 3-1 ósigur á heimavølli fyri Brentford eru fleiri tekin um, at Harry Kane hevur spælt sín seinasta heimadyst fyri Tottenham.
Í botninum stendur Leeds við vánaligum kortum, eftir at hava tapt 3-1 móti West Ham. Leicester hevur tvey skot eftir. Eitt er í kvøld móti Newcastle í seinasta dystinum í 37. umfari. Everton hevur enn munin, men tað verður eitt satt niðurflytingarstríð í seinasta umfarinum.
1 | Manchester City | 36 | 28 | 4 | 4 | 93:31 | 88 |
2 | Arsenal | 37 | 25 | 6 | 6 | 83:43 | 81 |
3 | Newcastle | 36 | 19 | 12 | 5 | 67:32 | 69 |
4 | Manchester Utd | 36 | 21 | 6 | 9 | 52:41 | 69 |
5 | Liverpool | 37 | 19 | 9 | 9 | 71:43 | 66 |
6 | Brighton | 36 | 18 | 7 | 11 | 70:50 | 61 |
7 | Aston Villa | 37 | 17 | 7 | 13 | 49:45 | 58 |
8 | Tottenham | 37 | 17 | 6 | 14 | 66:62 | 57 |
9 | Brentford | 37 | 14 | 14 | 9 | 57:46 | 56 |
10 | Fulham | 37 | 15 | 7 | 15 | 54:51 | 52 |
11 | Crystal Palace | 37 | 11 | 11 | 15 | 39:48 | 44 |
12 | Chelsea | 36 | 11 | 10 | 15 | 36:42 | 43 |
13 | Wolves | 37 | 11 | 8 | 18 | 31:53 | 41 |
14 | West Ham | 37 | 11 | 7 | 19 | 41:53 | 40 |
15 | Bournemouth | 37 | 11 | 6 | 20 | 37:70 | 39 |
16 | Nottingham F. | 37 | 9 | 10 | 18 | 37:67 | 37 |
17 | Everton | 37 | 7 | 12 | 18 | 33:57 | 33 |
18 | Leeds | 37 | 7 | 10 | 20 | 47:74 | 31 |
19 | Leicester | 36 | 8 | 6 | 22 | 49:67 | 30 |
20 | Southampton | 37 | 6 | 6 | 25 | 32:69 | 24 |
Úrslit
21.05 | Manchester City | 1:0 | Chelsea |
21.05 | Brighton | 3:1 | Southampton |
21.05 | West Ham | 3:1 | Leeds |
20.05 | Nottingham F. | 1:0 | Arsenal |
20.05 | Wolves | 1:1 | Everton |
20.05 | Liverpool | 1:1 | Aston Villa |
20.05 | Bournemouth | 0:1 | Manchester Utd |
20.05 | Fulham | 2:2 | Crystal Palace |
20.05 | Tottenham | 1:3 | Brentford |