Heini Fossdalsá Sørensen var við frá dystarbyrjan, tá lið hansara, Thisted spældi dyst á útivølli móti Frem í triðbestu donsku fótbóltsdeildini.
Tað eydnaðist Frem at vinna dystin á Valby Idrætspark 1-0. Sigursmálið var skotið longu í 17. minutti.
Talan var um fjórða tapið á rað hjá Thisted í deildini hetta kappingarárið.
Thisted er nú næstaftast í deildini við átta stigum fyri níggju dystir.
Sunnudagin 6. oktober hevur Thisted heimadyst móti HIK.
