Ukrainski forsetin, Volodymyr Zelenskyj, verður í London, har hann skal hitta bretska forsætisráðharran, Rishi Sunak.
Volodymyr Zelenskyj kom til París sunnukvøldið, har hann eitt nú hitti franska forsetan, Emmanuel Macron.
Ukrainski forsetin hevur eisini vitjað í Róm, Berlin og Aachen í Týsklandi.
- Bretland gongur á odda, tá ræður um at víðka um okkara kapasitet á hermótinum og í luftini. Hetta samstarv fer at halda fram.
Tað skrivar ukrainski forsetin sambært tíðindastovuni NTB á Tvitter.
Um vitjanina í London skrivar Volodymyr Zelenskyj soleiðis:
- Eg skal hitta mín vin, Rishi Sunak. Vit fara at hava ítøkiligar samráðingar, andlit til andlits, skrivar hann á Tvitter.
