Adrian R. Justinussen og Daniel Johansen vóru við frá dystarbyrjan, tá Hillerød á heimavølli spældi dyst móti Hvidovre í næstbestu donsku fótbóltsdeildini.
Støðan var 0-0 til 78 minuttir vóru leiktir. Tá eydnaðist tað Adrian at fanga ein returbólt og senda hann í netið til sigursmálið 1-0. Talan er um tíggjunda málið hjá Adrian hetta kappingarárið.
HER ber til at síggja hæddarpunktini frá TV3 Sport frá dystinum millum Hillerød og Hvidovre.
Hillerød er nummar sjey í deildini við 20 stigum. Bert málmunurin skilir Hillerød frá Kolding á sætta plássinum. Seks tey ovastu liðini vinna seg í ovara endaspælið aftaná lokið grundspæl.
Mánakvøldið 11. november spælir Hillerød dyst á útivølli móti Hobro.
